Agustinak Zentroa
Kultur eta Sormen Industrietako proiektuak (KSI) SORTU, SARETU eta ELKARREKIN HAZTEKO gune irekia eta 
dinamikoa. Tresna egokiak eskaintzen dizkizugu zure bidea egin dezazun. Espazio egokia, doako aholkularitza 
eta laguntza.
Zer da AZ?
Ekintzaileei, kultur eta sormen industrietako proiektuei edo sektoreko eragileei irekitako zentroa da, Oarsoaldean du kokalekua eta inguruko lurraldeei irekita dago.
Aholkularitza zerbitzuak, formakuntza, topaketa profesionalak, lanerako eta salmentarako espazioak, makineria eta oinarrizko ekipamendua eskaintzen dira bertan. Horretarako proiektu bakoitzaren egoera zehatza eta aukerak aztertzen dituzte bertako arduradunek, arreta pertsonalizatuan eta hurbilean oinarritutako ibilbide-orria eta aukeren proposamenak eskainiz.
Arkitektura, diseinua, ilustrazioa, animazioa, ehungintza, bitxigintza, marrazkigintza, multimedia, argazkigintza, komunikazioa, ikus-entzunean …zertan zabiltzan kontatu eta zure proiektua abian jartzen eta sendotzen lagunduko zaitugu.
Talentua, sormena eta berrikuntza balioesten eta babesten ditugu.
Zer eskeintzen dugu?
Zerbitzuak
Informazio zerbitzua
Orientazioa eta laguntza zerbitzua. Pertsona eta enpresentzako laguntza pertsonalizatua eskaintzen dugu, haien behar espezifikoetara egokitutako informazioa eta orientazioa eskainiz. Zerbitzua bere osotasunean euskaraz jaso dezakezu, nahi izanez gero.
Ekintzaileentzako garapena eta laguntza
Ideia berriak garatzea: Proiektuak definitzeko aholkularitza ematen dugu, ideiak plan bideragarri bihurtzen lagunduz.
Inkubazioa: Ekintzaileei eta enpresa berriei laguntza integrala ematea, hasierako etapetan behar diren lan-espazioak eta baliabideak eskainiz.
Azelerazioa: Mentoretza, lan-eremuetarako sarbidea eta finantzaketa bilatzea proiektuen garapen eraginkorra bultzatzeko.
Finkapena: Enpresaren egoeraren diagnostikoak egiten ditugu, hazteko eta egonkortzeko helburuak eta jarduerak zehaztuz.
Jarduerak eta laguntza
Dinamizazio-jarduerak: ekintzailetza-ekosistema dinamizatzen eta indartzen duten ekintzetan parte hartzea sustatzen dugu.
Prestakuntza: Profesionalizatzeko eta funtsezko gaitasunak garatzeko prestakuntza-programak eskaintzen ditugu.
Topaketak: topaketa profesionalak antolatzen ditugu, lankidetza eta ezagutza-trukea sustatzeko.
Ekitaldiak: Ekitaldi garrantzitsuetan parte hartzea errazten dugu, kontaktu- eta aukera-sarea zabaltzeko.
Konexioa eta kokapena
Kokapena: inkubazio-etapa amaitu ondoren, enpresentzako behin betiko kokapena bilatzen laguntzen dugu.
Loturak: Proiektuetarako baliagarriak izan daitezkeen beste baliabide eta erakunde batzuekin harremanak ezartzen ditugu.
Sarea: Ekintzaileak sektorearekin eta beste sektore garrantzitsu batzuekin konektatzen ditugu, lankidetza eta baterako hazkundea sustatuz.
Lan egiteko guneak
Lasai lan egiteko leku irekia eta lanerako oinarrizko baliabideak eskuragarri.
Erabilera anitzeko gela, 40 lagunentzako edukierarekin, irekia, argitsua eta moldagarria. Topaketetarako, aurkezpenetarako, erakusketetarako eta prestakuntzetarako ezin hobea.
Espazio zabal eta moldagarri hau ezin hobea da topaketak, aurkezpenak, erakusketak eta prestakuntza-saioak egiteko.
Zure bilerak eta aurkezpenak egiteko bilera gela ugari telebistarekin.
Zure lana egiteko hainbat gune ireki. Atsedena egiten duzunean, terrazara sarbidea eta naturaz inguratua.
Auzoari irekitako espazioa, lorategiarekin, taberna ere badu eta baita doako aparkamentua eraikinaren aurrean ere.
Zure jarduera profesionalizatzeko laguntza espezializatua jasoko duzu langile kualifikatuen eskutik, ezagutza duten pertsona eta erakundeen talde batek gidatuta.
Lankidetzako ekosistema ekintzaile baten barruan, non mundu guztiak dakiena irakasten dien gainerakoei. Elkarrekin esploratzen dugu, ideiak, jardunbide egokiak eta ezagutza partekatzen dugu.
Zeintzuk gara?
Anne Gago
Moda diseinatzailea
Izen bereko ANNE GAGO markagatik ezaguna, diseinu zainduak, dotoreak eta gaur egungoak, kalitatezko ehunetan eginak eta eskuz bordatuak.
Maite Anton Mugertza
Txatxala
Joskintzaren tradizioa bizirik mantentzen du maitasunez egindako poltsak, motxilak, lepokoak, zorroak… sortuz. Egunerokoan ibiltzeko beste hainbat osagarri ekoizten ditu, etengabe oihalik ederrenak bilatuz.
Instagram: Txatxala
Angel Blanco
Angel Blanco Egoskozabal
Kulturaren mundua ardatz duen ikerketa: erakundeak, argitaletxeak, jaialdiak, erakusketak… kultura edo artearen dibulgazioa bultzatzeko eta potentziatzeko tresna gisatzat du diseinua; estetikarekin lan egitea, kontzeptuak, metaforak eta poesia bisualak erabiliz.
Instagram: angel_blanco_egoskozabal
Roman Egaña
Lekoo arkitekturak
Arkitektura eta hirigintza; hirigintza edota arkitektura. Zein bat, beste, hainbeste. Hiria, plaza, parkea, jendartea, hiritzen, haritzen. Gizakia biziz; etxe, babes, gotor, Lekoo. Bailara, erreka eta muino; baserria. Lekoo ere, bizi leku. Pentsatu, ausnartu, eraiki, birgaitu. Berria, berritua, berriro gaitua. Guk, zuk, elkar; hasiz, ikasiz, sortuz, gauzatuz. Bagoaz!
Instagram: romanegana
Aitor Aranguren eta Erik Suso
Muga
Muga gazteek eta gazteentzat osatutako ekoizpen-etxea da; publizitatean, musika-artisten ikusizko atalean eta dokumentaletan aritzen gara. Beti saiatzen gara pauso bat haratago ematen eta ikus-entzunezko lerro narratibo berriak sortzen, horregatik deitzen gara Muga, ez daukagulako mugarik.
Instagram: wearemuga
Web: Muga
Leire Mendizabal
Ilustratzailea
Begirada introspektibo batekin, pertsonaia bitxi eta nostalgikoak ilustratzen ditu, askotan argazki zaharretan inspiratzen da marrazkiak sortzeko. Sorkuntza-prozesua partekatu ohi du bere sare sozialetan, eta urratsak erakutsi eskuz eta modu digitalean.
Instagram: mendizabaleire
Marina Eskisabel eta Iker Sanz
DAB dantza konpainia
DAB dantza konpainiak, 2022az geroztik, dantza garikideko bi lan estrenatu ditu, bigarren obrarekin KARRIKAN saria lortu du. Bere lanetan, gaurkotasuneko gaiak lantzen ditu, hala nola Nun Zira? obrako gatazka belikoak edo gizarte-enkortsetamenduak NŒUDen. Estetika zirraragarri baten bidez, ikusleengan iristea lortzen du, obretan kontatzen duten historioaren parte eginez. Gainera, ongizatean mugimenduak eta sormenak duten garrantziaz jabetuta, Zu-dantzan bezalako proiektuak garatzen ditu, dantza garaikideko publiko berriak sortuz. 2025ean AZALA ikuskizun berria estreinatuko du.
Instagram: dab_dantza
Alberto Monroy eta Eva Diaz de Isla
Kromosoma Tailerra
Kromosoma sortzeko proiektua aspalditik jolasarekiko eta jostailuarekiko dugun kezka eta interesetik sortu da.
Zurezko jostailu didaktikoak ikertzen, diseinatzen eta fabrikatzen ditugu artisau eran, ingurumena errespetatzen duten material seguruekin eginak.
Jolasaren eta jostailuaren bidez pertsonen garapenean zerikusia duten elkarte eta
erakundeekin hainbat proiektu sortzen lan egiten dugu.
Instagram: kromosomatailerra
Kleo Arai
Kleo Arai
Kleo Arai sortzaile independentea da, emozioetan eta sentimenduetan oinarritutako arte abstraktua sortzen duena. Bere margolan dekoratiboek espresio bakarra dute, kolore, testura eta formaren bidez istorioak kontatzen dituzte. Horrez gain, artelanekin bat datozen bitxi-bildumak diseinatzen ditu, pieza esklusibo eta originalak sortuz. Bere sorkuntzek norbanakoaren estiloa eta espresioa nabarmentzea dute helburu, artea eguneroko bizitzan integratuz.
Instagram: kleoarai
Eragileekin elkarlanean
EIDE
Euskal Diseinuaren Elkartea
EIDE irabazi-asmorik gabeko elkarte profesionala da, 1.986an sortua, eta Euskadiko eta Nafarroako diseinu industrialaren/produktuaren, grafikoaren/digitalaren, espazioen, zerbitzuen eta diseinu estrategikoaren arloko profesionalak eta enpresak biltzen ditu.
Bere helburu nagusien artean, diseinua sustatzea dago, enpresen berrikuntza eta lehiakortasunerako faktore estrategiko gisa, bai eta Euskadi eta Nafarroa diseinuaren esparruan nazioko eta nazioarteko erreferentzia bihurtzeko ekarpena egitea ere.
Instagram: eidedesign
DANTZAZ
Dantzaren sektorea garatzeko zentroa
Dantzaren arloan enplegua eta profesionalizazioa sustatzera bideratuta dagoen elkartea da. DANTZAZ elkarteak sorkuntza eta ikerketa sustatzen ditu, bertako zein nazioarteko interpreteei eta koreografoei aukerak eskainiz. Era berean, DANTZAZ sare garrantzitsuetako kide da eta nazioarteko lankidetzako hainbat proiekturen buru da, sektoreko erreferente gisa sendotuz.
Instagram: dantzaz
Zer berri?
