Agustinak Zentroa
Kultur eta Sormen Industrietako proiektuak (KSI) SORTU, SARETU eta ELKARREKIN HAZTEKO gune irekia eta 
dinamikoa. Tresna egokiak eskaintzen dizkizugu zure bidea egin dezazun. Espazio egokia, doako aholkularitza 
eta laguntza.
Zer da AZ?
Ekintzaileei, kultur eta sormen industrietako proiektuei edo sektoreko eragileei irekitako zentroa da eta Oarsoaldean kokatuta badago ere inguruko lurraldeei irekita dago.
Aholkularitza zerbitzuak, formakuntza, topaketa profesionalak, lanerako eta salmentarako espazioak, makineria eta oinarrizko ekipamendua eskaintzen dira bertan. Horretarako proiektu bakoitzaren egoera zehatza eta aukerak aztertzen dituzte bertako arduradunek, arreta pertsonalizatuan eta hurbilean oinarritutako ibilbide-orria eta aukeren proposamenak eskainiz.
Arkitektura, diseinua, ilustrazioa, animazioa, ehungintza, bitxigintza, marrazkigintza, multimedia, argazkigintza, komunikazioa, ikus-entzunean …zertan zabiltzan kontatu eta zure proiektua abian jartzen eta sendotzen lagunduko zaitugu.
Talentua, sormena eta berrikuntza balioesten eta babesten ditugu.
Zer eskeintzen dugu?
Zerbitzuak
Informazio zerbitzua
Orientazioa eta laguntza zerbitzua. Pertsona eta enpresentzako laguntza pertsonalizatua eskaintzen dugu, haien behar espezifikoetara egokitutako informazioa eta orientazioa eskainiz. Zerbitzua bere osotasunean euskaraz jaso dezakezu, nahi izanez gero.
Ekintzaileentzako garapena eta laguntza
Ideia berriak garatzea: Proiektuak definitzeko aholkularitza ematen dugu, ideiak plan bideragarri bihurtzen lagunduz. Sortu eta Ekin: KSI Sektorean Ekintzailetzari Bultzada (oarsoaldea.eus)
Inkubazioa: Ekintzaileei eta enpresa berriei laguntza integrala ematea, hasierako etapetan behar diren lan-espazioak eta baliabideak eskainiz.
Azelerazioa: Mentoretza, lan-eremuetarako sarbidea eta finantzaketa bilatzea proiektuen garapen eraginkorra bultzatzeko.
Finkapena: Enpresaren egoeraren diagnostikoak egiten ditugu, hazteko eta egonkortzeko helburuak eta jarduerak zehaztuz.
Jarduerak eta laguntza
Dinamizazio-jarduerak: ekintzailetza-ekosistema dinamizatzen eta indartzen duten ekintzetan parte hartzea sustatzen dugu.
Prestakuntza: Profesionalizatzeko eta funtsezko gaitasunak garatzeko prestakuntza-programak eskaintzen ditugu. KSI PRESTAKUNTZA PILULAK
Topaketak: topaketa profesionalak antolatzen ditugu, lankidetza eta ezagutza-trukea sustatzeko.
Ekitaldiak: Ekitaldi garrantzitsuetan parte hartzea errazten dugu, kontaktu- eta aukera-sarea zabaltzeko.
Konexioa eta kokapena
Kokapena: inkubazio-etapa amaitu ondoren, enpresentzako behin betiko kokapena bilatzen laguntzen dugu.
Loturak: Proiektuetarako baliagarriak izan daitezkeen beste baliabide eta erakunde batzuekin harremanak ezartzen ditugu.
Sarea: Ekintzaileak sektorearekin eta beste sektore garrantzitsu batzuekin konektatzen ditugu, lankidetza eta baterako hazkundea sustatuz.
Lan egiteko guneak
Lasai lan egiteko leku irekia eta lanerako oinarrizko baliabideak eskuragarri.
Erabilera anitzeko gelak, 40 pertsonarentzako edukierarekin, irekia, argitsua eta moldagarria. Zentroaren beheko solairuan kokatua. Topaketetarako, aurkezpenetarako, erakusketetarako eta prestakuntzetarako ezin hobea.
Espazio zabal eta moldagarri hau ezin hobea da topaketak, aurkezpenak, erakusketak eta prestakuntza-saioak egiteko.
Zure bilerak eta aurkezpenak egiteko bilera gela ugari telebistarekin.
Zure lana egiteko hainbat gune ireki. Atsedena egiten duzunean, terrazara sarbidea eta naturaz inguratua.
Auzoari irekitako espazioa, lorategiarekin, taberna bat ere izango du laster. Doako aparkamentua eraikinaren aurrean bertan.
Zure jarduera profesionalizatzeko laguntza espezializatua jasoko duzu langile kualifikatuen eskutik, ezagutza duten pertsona eta erakundeen talde batek gidatuta. Lankidetzako ekosistema ekintzaile baten barruan, non mundu guztiak dakiena irakasten dien gainerakoei. Elkarrekin esploratzen dugu, ideiak, jardunbide egokiak eta ezagutza partekatzen dugu.
Zeintzuk gara?
Anne Gago
Moda diseinatzailea
Izen bereko ANNE GAGO markagatik ezaguna, diseinu zainduak, dotoreak eta gaur egungoak, kalitatezko ehunetan eginak eta eskuz bordatuak.
Instagram: annegagoatelier
Elena Ranz Rodriguez
Kaisho
Haurrentzako moda eta jostailu jasangarriak sortzen dituen marka. Bere diseinuek, artearen munduko emakumeek sortuak, eta Montessori filosofiarekin duen konpromisoa dela eta, Kaisho proposamen paregabea da.
Instagram: kaisho_kids
Maite Anton Mugertza
Txatxala
Joskintzaren tradizioa bizirik mantentzen du maitasunez egindako poltsak, motxilak, lepokoak, zorroak… sortuz. Egunerokoan ibiltzeko beste hainbat osagarri ekoizten ditu, etengabe oihalik ederrenak bilatuz.
Instagram: txatxala
Imanol Pinelo, Luismi Romero, Unai
Eceiza eta Iker Unanua
Ninbo Interantive
Interaktibitatea eta mugimendua ematen diote zure proiektu eta ideiei. Multimedia eta jokoetan espezializatuak, turismo, hezkuntza, industria eta kulturako esperientzia paregabeak eskaintzen dituzte.
Instagram: ninbointeractive
Angel Blanco
Angel Blanco Egoskozabal
Kulturaren mundua ardatz duen ikerketa: erakundeak, argitaletxeak, jaialdiak, erakusketak… kultura edo artearen dibulgazioa bultzatzeko eta potentziatzeko tresna gisatzat du diseinua; estetikarekin lan egitea, kontzeptuak, metaforak eta poesia bisualak erabiliz. Instagram: angel_blanco_egoskozabal
Iratxe Goñi
Iratxe Goñi
Haurrentzako jostailu inklusiboak eta jasangarriak sortzen dituen marka da. Haurren garapenean adituak diren hezitzaileekin elkarlanean sortuak, produktuek sormena eta garapen sentsoriala bultzatzen dute. Diseinu inklusiboaren aldeko konpromiso sendoarekin, yelo jolas askea eta mugagabea sustatzen duen proposamena eskaintzen du.
Instagram: yelo.objects
Webgunea: Yelo
Eragileekin elkarlanean
EIDE
Euskal Diseinuaren Elkartea
EIDE irabazi-asmorik gabeko elkarte profesionala da, 1.986an sortua, eta Euskadiko eta Nafarroako diseinu industrialaren/produktuaren, grafikoaren/digitalaren, espazioen, zerbitzuen eta diseinu estrategikoaren arloko profesionalak eta enpresak biltzen ditu.
Bere helburu nagusien artean, diseinua sustatzea dago, enpresen berrikuntza eta lehiakortasunerako faktore estrategiko gisa, bai eta Euskadi eta Nafarroa diseinuaren esparruan nazioko eta nazioarteko erreferentzia bihurtzeko ekarpena egitea ere.
Instagram: eidedesign
DANTZAZ
Dantzaren sektorea garatzeko zentroa
Dantzaren arloan enplegua eta profesionalizazioa sustatzera bideratuta dagoen elkartea da. DANTZAZ elkarteak sorkuntza eta ikerketa sustatzen ditu, bertako zein nazioarteko interpreteei eta koreografoei aukerak eskainiz. Era berean, DANTZAZ sare garrantzitsuetako kide da eta nazioarteko lankidetzako hainbat proiekturen buru da, sektoreko erreferente gisa sendotuz.
Instagram: dantzaz
Zer berri?
