Agustinak Zentroa
Kultur eta Sormen Industrietako proiektuak (KSI) SORTU, SARETU eta ELKARREKIN HAZTEKO gune irekia eta 
dinamikoa. Tresna egokiak eskaintzen dizkizugu zure bidea egin dezazun. Espazio egokia, doako aholkularitza 
eta laguntza.
Zer da AZ?
Ekintzaileei, kultur eta sormen proiektuei edo eragileei irekitako zentroa da, Oarsoaldean du kokalekua eta inguruko lurraldeei irekita dago.
Aholkularitza zerbitzuak, formakuntza, topaketa profesionalak, lanerako eta salmentarako espazioak, makineria eta oinarrizko ekipamendua eskaintzen dira bertan.
Arkitektura, diseinua, ilustrazioa, animazioa, ehungintza, bitxigintza, marrazkigintza, multimedia, argazkigintza, komunikazioa, ikus-entzunean …zertan zabiltzan kontatu eta zure proiektua abian jartzen eta sendotzen lagunduko zaitugu.
Talentua, sormena eta berrikuntza balioesten eta babesten ditugu.
Nori zuzenduta dago?
Zerbitzuak
Informazioa
Ekintzailetza eta enpresa garapena ez dira bide errazak, horregatik informazioa eta orientazio egokia edukita, erabaki hobeak har ditzakezu. Gure helburua da zure esku jartzea behar duzun informazio guztia, gardentasunez eta zure behar espezifikoetara egokituta.
Tutorizazioa eta akonpainamendua
Ez zaude bakarrik, laguntza pertsonalizatua eskaintzen dizugu behar espezifikoetara egokitutako orientazioa emanez, zure erronkei erantzuteko eta aukerarik onenak aurkitzeko, beti zure erritmora egokituta.
Prestakuntza
Profesionalizazioa eta funtsezko gaitasunak garatzeko ikastaroak eta tailerrak. Gure prestakuntzak praktikoa dira, errealitateari lotua, eta zure proiektuak behar duen garapena egiteko pentsatuak.
Topaketak eta ekitaldiak
Topaketak: Ezagutza-trukea eta harremanak funtsezkoak dira. Topaketa profesionalak antolatzen ditugu, sektoreko beste eragileekin konektatzeko eta aukerak sortzeko.
Ekitaldiak: Ezagutza-trukea eta harremanak funtsezkoak dira. Topaketa profesionalak antolatzen ditugu, sektoreko beste eragileekin konektatzeko eta aukerak sortzeko.
Zure neurrira egindako programa
Ideiatik proiektura jauzia egin nahi baduzu ekintzailetza programak ditugu, ideia batetik proiektu erreal batera igarotzeko beharrezko tresnak eta laguntza eskura ditzakezu. (Ekintzailetza programa)
Proiektutik enpresa bihurtzeko pausoa eman nahi baduzu, ekintzaileentzat eta enpresa berrientzat laguntza integrala eskaintzen dugu, zure lehen pausoetan lan-espazioak, baliabideak eta aholku profesionalak eskainiaz. (Inkubazio programa):
Sortu berri den enpresaren garapen eraginkorra bultzatzeko mentoretza, lan-espazioak, konexioak eta finantzaketa bilatzeko aukera izango duzu. (Azelerazio programa)
Enpresaren garapen estrategikoan laguntzen dugu, enpresaren egoeraren diagnostikoa egiten dugu, eta hortik abiatuta hazteko eta egonkortzeko ibilbide-orriak diseinatzen ditugu (Sendotze programa)
Konexioa eta sarea
Konexioak: Zure proiektuetarako baliagarriak izan daitezkeen baliabide eta erakundeekin harremanak sortzen ditugu.
Sarea: Sormen eta kultura sektorearekin konektatzen lagunduko dizugu, lankidetza eta baterako hazkundea bultzatuz.
Kokapena
Agustinak Zentroan egonaldi etapa amaitu ondoren, enpresentzako behin betiko kokapena bilatzen laguntzen dizugu.
Eskaintzen ditugun languneak
Coworking-a
Ofizioetarako tailerra
Alokatzeko gelak
Nortzuk gaude?
Maite Anton Mugertza
Txatxala
Joskintzaren tradizioa bizirik mantentzen du maitasunez egindako poltsak, motxilak, lepokoak, zorroak… sortuz. Egunerokoan ibiltzeko beste hainbat osagarri ekoizten ditu, etengabe oihalik ederrenak bilatuz.
Instagram: Txatxala
Roman Egaña
Lekoo arkitekturak
Arkitektura eta hirigintza; hirigintza edota arkitektura. Zein bat, beste, hainbeste. Hiria, plaza, parkea, jendartea, hiritzen, haritzen. Gizakia biziz; etxe, babes, gotor, Lekoo. Bailara, erreka eta muino; baserria. Lekoo ere, bizi leku. Pentsatu, ausnartu, eraiki, birgaitu. Berria, berritua, berriro gaitua. Guk, zuk, elkar; hasiz, ikasiz, sortuz, gauzatuz. Bagoaz!
Instagram: romanegana
Aitor Aranguren eta Erik Suso
Muga
Muga gazteek eta gazteentzat osatutako ekoizpen-etxea da; publizitatean, musika-artisten ikusizko atalean eta dokumentaletan aritzen gara. Beti saiatzen gara pauso bat haratago ematen eta ikus-entzunezko lerro narratibo berriak sortzen, horregatik deitzen gara Muga, ez daukagulako mugarik.
Instagram: wearemuga
Web: Muga
Leire Mendizabal
Ilustratzailea
Begirada introspektibo batekin, pertsonaia bitxi eta nostalgikoak ilustratzen ditu, askotan argazki zaharretan inspiratzen da marrazkiak sortzeko. Sorkuntza-prozesua partekatu ohi du bere sare sozialetan, eta urratsak erakutsi eskuz eta modu digitalean.
Instagram: mendizabaleire
Marina Eskisabel eta Iker Sanz
DAB dantza konpainia
DAB dantza konpainiak, 2022az geroztik, dantza garikideko bi lan estrenatu ditu, bigarren obrarekin KARRIKAN saria lortu du. Bere lanetan, gaurkotasuneko gaiak lantzen ditu, hala nola Nun Zira? obrako gatazka belikoak edo gizarte-enkortsetamenduak NŒUDen. Estetika zirraragarri baten bidez, ikusleengan iristea lortzen du, obretan kontatzen duten historioaren parte eginez. Gainera, ongizatean mugimenduak eta sormenak duten garrantziaz jabetuta, Zu-dantzan bezalako proiektuak garatzen ditu, dantza garaikideko publiko berriak sortuz. 2025ean AZALA ikuskizun berria estreinatuko du.
Instagram: dab_dantza
Alberto Monroy eta Eva Diaz de Isla
Kromosoma Tailerra
Kromosoma sortzeko proiektua aspalditik jolasarekiko eta jostailuarekiko dugun kezka eta interesetik sortu da.
Zurezko jostailu didaktikoak ikertzen, diseinatzen eta fabrikatzen ditugu artisau eran, ingurumena errespetatzen duten material seguruekin eginak.
Jolasaren eta jostailuaren bidez pertsonen garapenean zerikusia duten elkarte eta
erakundeekin hainbat proiektu sortzen lan egiten dugu.
Instagram: kromosomatailerra
Kleo Arai
Kleo Arai
Kleo Arai sortzaile independentea da, emozioetan eta sentimenduetan oinarritutako arte abstraktua sortzen duena. Bere margolan dekoratiboek espresio bakarra dute, kolore, testura eta formaren bidez istorioak kontatzen dituzte. Horrez gain, artelanekin bat datozen bitxi-bildumak diseinatzen ditu, pieza esklusibo eta originalak sortuz. Bere sorkuntzek norbanakoaren estiloa eta espresioa nabarmentzea dute helburu, artea eguneroko bizitzan integratuz.
Instagram: kleoarai
Bitxigileak
Bitxigileak elkartea
Bost artisau-bitxigilek osatzen duten elkartea da, eta ikuspegi komuna dugu: Euskal Herriko bitxigintza garaikidea ezagutaraztea. Artisautzaren eta elkarlanaren ikuspegitik, diziplina hau publiko orokorrarengana hurbiltzea sustatzen dugu, prestakuntza eta jakintza-trukea sustatzen ditugu, eta komunitate sortzailea indartzen dugu. Ikastaro, jarduera eta harreman-sareen bidez, euskal bitxigintza garaikidearen balio kultural eta artistikoa zabaldu nahi dugu.
Instagram: bitxigileak
Eric Cueto
Ni naiz joyería
Gipuzkoako artisau bitxigilea naiz, eta gaur egun Agustinak Zentroan egoiliar bezala nago, nire enpresa-proiektua sortzen laguntzeko. Proiektu horren helburua da bitxigintza pertsonen ideiei eta nirekin sortzen diren diseinuei hurbiltzea, eta horrela denek aurki dezaketen beraien ondo sentiarazten duen pieza. Feria batera joaten naizen bakoitzean, sare sozialetan iruzkin bat irakurtzen dudanean edo jendearekin hitz egiten dudanean, horien ideiak nire piezetan islatzen saiatzen naiz, zuenak bihurtuz.
Instagram: ninaizjoyeria
Eragileekin elkarlanean
EIDE
Euskal Diseinuaren Elkartea
EIDE irabazi-asmorik gabeko elkarte profesionala da, 1.986an sortua, eta Euskadiko eta Nafarroako diseinu industrialaren/produktuaren, grafikoaren/digitalaren, espazioen, zerbitzuen eta diseinu estrategikoaren arloko profesionalak eta enpresak biltzen ditu.
Bere helburu nagusien artean, diseinua sustatzea dago, enpresen berrikuntza eta lehiakortasunerako faktore estrategiko gisa, bai eta Euskadi eta Nafarroa diseinuaren esparruan nazioko eta nazioarteko erreferentzia bihurtzeko ekarpena egitea ere.
Instagram: eidedesign
DANTZAZ
Dantzaren sektorea garatzeko zentroa
Dantzaren arloan enplegua eta profesionalizazioa sustatzera bideratuta dagoen elkartea da. DANTZAZ elkarteak sorkuntza eta ikerketa sustatzen ditu, bertako zein nazioarteko interpreteei eta koreografoei aukerak eskainiz. Era berean, DANTZAZ sare garrantzitsuetako kide da eta nazioarteko lankidetzako hainbat proiekturen buru da, sektoreko erreferente gisa sendotuz.
Instagram: dantzaz
MUSIKA BULEGOA
Musikaren profesionalizazioa helburu duen Elkartea
Musika Bulegoa euskal musika sektoreko irabazi asmorik gabeko profesionalen eta eragileen elkartea da. 2015ean sortutako ekimena da eta bere xedea da Euskal Herrian sortutako eta ekoitzitako musikaren presentzia soziala balioestea eta indartzea da, sektorearen profesionalizazioa sustatuz eta kalitate artistikoa eta bere eragileen jarduera indartuz.
Instagram: musikabulegoa
Zer berri?
