EKIN TALENT: zure sormen- eta kultura-ideia proiektu bihurtzeko aukera

Kultura eta sormenaren arloan ideia edo proiektu bat duzu eta hurrengo pausoa eman nahi duzu? EKIN TALENT programa aukera bat izan daiteke zure ideia landu, kontrastatu eta proiektu bideragarri bihurtzeko.

Oarsoaldeak eta Lanbidek sustatutako ekintzailetza-programa honek proiektu berritzaileak garatzen eta abian jartzen laguntzen du, aholkularitza espezializatuaren, lanerako espazioen eta laguntza ekonomikoaren bidez.

Kultura eta sormenaren sektoreari begira

EKIN TALENTek arreta berezia eskaintzen die Kultura eta Sormen Industriei. Besteak beste, honako arloetako proiektuak har daitezke kontuan:

• Diseinua
• Ikus-entzunezkoak
• Kultura digitala
• Bideo-jokoak
• Arte sortzaileak
• Kultura-ekoizpena
• Eduki digitalak

Beraz, ideia bat garatzen ari bazara, proiektu bat abian jarri nahi baduzu edo zure jarduera profesionala negozio-eredu batean egituratu nahi baduzu, programa interesgarria izan daiteke zuretzat.

Zer eskaintzen du EKIN TALENTek?

Aholkularitza espezializatua
Adituen laguntzarekin, zure ideia landu, merkatuarekin kontrastatu eta negozio-eredua garatzeko aukera izango duzu.

1.500 €-ko dedikazio-beka
Proiektuaren garapenari denbora eta dedikazioa eskaintzea errazteko.
1.800 €-rainoko gastu-funtsa
Prototipoak, probak, baliozkotzeak eta proiektuaren garapenarekin lotutako bestelako jarduerak finantzatzeko.
Inkubazio eta lan partekatuko espazioak

Proiektua garatzeko eta beste ekintzaile batzuekin harremanetan jartzeko lanerako espazioak ere eskaintzen ditu programak.

Nori zuzenduta dago?

Programa bereziki interesgarria izan daiteke kultura eta sormen arloko profesionalei, ekintzailetzan interesa duten gazteei, ideia edo aurreproiektu fasean dauden ekimenei eta hasierako faseko enpresei.